Во сабота, на 19 мај, во Виндзор ќе се одржи кралската свадба меѓу британскиот принц Хари и американската актерка Меган Маркл, додека траат подготовките се редат скандалите со семејството Маркл, се евидентираат списоците на гости, се објавуваат безброј текстови за секој детањ од сваднбата, а и се прават претпоставки за тоа каква ќе биде нејзината венчаници, колку комбинации ќе смени невестата, кој дизајнер го потпишува венчалниот фустан… Меган важи за модно освестена личност, има неколку пријатели дизајнери, и пред Хари добивала пофалби за својот стил, но влегувањето во кралско семејство бара следење на одредени поротоколи и можеби ставање во сенка на личните преференци. Ќе преовлада кралската традиција или смелиот стил на Меган?!
Ракави од тантела
Повеќето сметаат дека Меган ќе избегне фустан од тантела за да не биде споредувана со изгледот на Кејт Мидлтон, но тантелните фустани сепак носат доза на класика и елеганција. Меган има помодерен стилски израз, па можеби ќе ги заобиколи ваквите модели, но нејзината венчаница може да има делови од тантела, како на пример на ракавите.
Едноставност и елеганција
Повеќе модни експерти сметаа дека ќе избере потесен фустан со чисти линии. Во интервју за Glamour Меган има изјавено дека најомилена венчаница на сите времиња ѝ е едноставниот сатенски фустан со тенки прерамки на Каролин Бесет Кенеди. Овој стил одговара на нејзината личност, едноставен фустан со накит позајмен од колекцијата на кралицата Елизабета може да изгледа мошне успешно, но кога знаеш дека твојата свадба ќе ја гледаат милиони луѓе низ светот, сугурно ќе се предадеш на притисокот да облечеш нешто многу подраматично.
Модерна класика
Класична силуета и модерни детали како интервенцијата кај деколтето и панделките во задниот дел и околу вратот, со неколку дополнителни додатоци може да изгледа незаборавно. Но, да не заборавиме дека на кралските свадби се избегнуваат фустаните без прерамки, и се бара поскромен изглед за во црква. Ама Меган знае да ги скрши кралските правила и традиции…
Проѕирен корсет
Овој стил потсетува на креацијата на Ralph&Russo што Меган ја носеше на официјалната фотосесија по повод сршувачката со Хари. Генерално кралските фустани се прилично скромни и традицинални, и не го откриваат многу телото. Но Меган не е традиционална кралска невеста, и ако еднаш покажа дека може да ѝ помине проѕирниот фустан, можеби повторно ќе ризикува?!
Храбро отворен грб
На свадбата на Вилијам и Кејт научивме дека задниот дел од фустанот е исто толку важен колку и предниот. Се сеќавате ли само колку фотографии беа фокусирани на грбот на Кејт? Свадбата на Хари и Меган ќе се одржи во помала црква во Винзор, наместо во големата Вестминстерска опатија, па можеби Меган ќе избере венчаница со не толку долг шлеп и со некој интригантен дизајн со карнери во задниот дел.
Ретро романтика
Постојат многу шпекулации за тоа кој ќе биде дизајнерот на венчаницата на Меган. Многу е веројатно дека тоа ќе биде некој британски. Соопштено е дека Меган ќе смени два фустана, оној за во црква се очекува да биде драматичен, вториот поедноставен и во романтичен стил. Овој романтичен модел одговара на кралскиот стил, доволно е затворен, ама ни се чини дека е премногу винтиџ и романтичен за софистицираниот и современ стил на Меган…
Нема коментари