Најавена е темата на големата модна изложба во Институтот за костуми при музејот Метрополитен – соодветна и за големата Мет Гала
Традиционалната Мет Гала, што се одржува во првиот понеделник во мај секоја година и честопати се опишува како „Оскари на модата“, како вовед на отворањето на големата модна изложба во Метрополитен музејот во Њујорк. Секоја година изложбата е на одредена тема, а гостите на Мет Гала се охрабруваат да се облекуваат според темата. А темата на следната изложба еше вчера објавена – About Time: Fashion and Duration („За времето: Мода и времетраење“).
Тилда Тсинтон во сцена на филмот „Оралндо“ (1992)
На изложбата ќе бидат поставени преку 150 модни креации кои покриваат еден и пол век модна историја, и според кураторот Ендрју Болтон, поставката ќе биде „преиспитување на историјата на модата – фрагментирано, наизменично, хетерогено“. Болтон вели дека инспирација за темата е филмот „Орландо“ (1992) на Сали Потер, работен споре роман на Вирџинија Вулф, особено го поттикнала една сцена: „Тилда Свинртон облечена во фустан од 18-от век во француски стил, влегува во градината лавиринт, и како што поминува низ неа, нејзината облека се заменува со фустан од средината на 19-от век, и Тилда одеднаш се наоѓа во Велика Британија во 50-тите од 19-от век. Тоа е потеклото на првичната идеја“.
The Clock (Часовникот), фотографија на Сара Мун од 1990 година
Освен Вирџинија Вулф, инспирација за изложбата е и философот Анри Бергсон и неговиот концепт за la durée („времето што тече, се акумулира и е неделиво“), а на поставката ќе се открие како облеката може да ги поврзе минатото, сегашноста и иднината.
„Модата е неизбришливо поврзана со времето. Таа не само што го рефлектира и претставува духот на времето, туку и се менува и се развива со времето, служејќи како особено чувствителен и точен часовник. Преку низа хронологии, изложбата ќе го користи концептот на времетраење за да ги анализира временските пресврти на модата“, смета Болтон, кустос надлежен за Институтот за костими.
Изложбата се отвора на 7 мај 2020, а Мет Гала ќе се одржи во понеделник, на 4 мај 2020 година. Копретседавачи на големиот настан ќе бидат Николас Гескиер, Лин-Мануел Миранда, Ема Стоун, Мерил Стрип и Ана Винтур, со поддршка од модната куќа „Луј Витон“.
*Не е дозволено пренесување на содржината на www.stylist.mk без одобрени на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари