Козметичкиот бренд на Диор на самиот старт на оваа година отвора ново поглавје и ја претстави новата кампања со актерката Натали Портман, која што подолго време е амбасадорка на брендот, а кампањата се фокусира на новата верзија на познатиот кармин Rouge Dior – The New Couture Lipstick.
Култниот кармин Rouge Dior е еден од оригиалните црвени кармини, лансиран во 1953 година како продолжение на желбата на Кристијан Диор „да ги облече насмевките на жените“. Оттогаш е повеќе пати реобмислуван и релансиран, а новата верзија е дело на долгогодишниот креативен директор на Christian Dior Makeup одделот, Питер Филипс. Карминот Rouge Dior во новата верзија е повеќе haute couture од кога било, а доаѓа во пакување кое може повторно да се полни, со што брендот се обраќа на концептот на самоодржливост.
Самата формула претрпе и некои прилагодувања. Цветот од калинка и ши-путерот ги хранат усните без да го нарушат пигментот. Сега е достапен во четири couture финиши – мат, сатенски, металик и новиот кадифен.
Со оглед на наклонетоста на Кристијан Диор кон вистинската црвена боја, познатиот Rouge Dior во иконската нијанса 999 сега доаѓа во велвет финиш.
Нема коментари