Откако Рене Реџепи го затвори својот славен ресторан „Нома“ во Копенхаген и додека се чека новата верзија на нова локација во данскиот главен град, наградуваниот готвач не мирува и го отвори „Нома Мексико“. Реџепи заедно главната слаткарка во „Нома“, Росио Санчез, и новиот бизнис партнер Али Сонко денес го отворија овој поп-ап ресторан во туристичкиот град Тулум во Мексико, сестен помеѓу џунглата и Kарипското Море. Ресторанот е на отворено, под палмини дрвја, има лежерна атмосфера, но и луксузна цена. Имено, цената на гастрономски оброк за двајца може да чини дури и 1.500 евра, но и покрај ова сите места во ресторанот се резервирани уште во декември минатата година. Овој концепт ресторан ќе биде отворен до 28 мај и за тоа време ќе бидат послужени оброци со намирниците од регионот, полуостровот Јукатан. Реџепи доста истражуваше и во партнерство со Transpato Maya, непрофитна организација од 15 Маја заедници од Јукатан, дојде до некои локални намирници како бела naal пченка, xtop pepita (семки од тиква), ретки диви пчелини ларви, и чист melipona слатко-кисел мед.
Реџепи, еден од најдобрите светски готвачи, роден во Данска од татко македонски Албанец, ги има добиено најпрестижните награди за своjата работа во „Нома“. Пред Мексико, со тимот имаше отворено поп-ап ресторани во Сиднеј и во Токио.
ПРОЧИТАЈТЕ ПОВЕЌЕ ЗА РЕНЕ РЕЏЕПИ
Рене Реџепи за своето потекло и животот во Македонија
108 – новиот ресторан на Рене Реџепи во Копенхаген
Ресторанот „Нома“ на готвачот со потекло од Македонија, Рене Реџепи, е најдобар во светот
Рене Реџепи го затвора ресторанот „Нома“ и отвора урбана градина
Нема коментари