Се сеќавате на сандалите со помпом топчиња во разни бои што станаа популарни пред неколку години?! Тие се дело на грчката креаторка Елина Линардаки која рачно изработените сандали прво ги продаваше на продажната платформа Etsy, а сега нејзините шарени и весели сандали може да се најдат во повеќе продавници низ светот. Дизајнерката стана препознатлива по моделот Penny Lane, кожени сандали во гладијаторски стил со врвки, помпом топчиња и везени ремчиња, кои во рекордно време ги одушевија трендсетерките и сè уште владеат на социјалните мрежи. Но Елина не се потпира само на овој модел, туку постојано прави нови колекции на сандали кои и понатаму ги имаат препознатливите знаци на креаторката – јаки бои, ремчиња и шарени конци, детали од помпом, парички, привезоци, везови со етно мотиви… Оваа сезона таа понуди и модел со платформа, со јутена основа и морски елемени, потоа модели во кои вменува пердуви, златни ланци, рачно боени керамички привезоци, има и сандали со колор-блок ефект, но и еднобојни и едноставни модели како спротивност на препознатливото шаренило на Линардаки.
КАКО САМИ ДА НАПРАВИТЕ САНДАЛИ СО ПОМПОМ
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете линк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари