Сè што создава е водено од едно внатрешно чувство на радост кое го следи и тоа ѝ е своевиден критериум дека нешто треба да направи. Ако нешто ја радува, ѝ носи возбуда, веднаш го вади на виделина… Цртањето ѝ е баш тоа- нешто што ја радува… Кога ќе ги погледнете сите нејзини колекции ве облива токму тоа чувство на радост. Со будење на пролетта, секоја година во креативната работилница на Александра Иванова „расцветува“ уникатнен накит кој радува. По веќе препознатливите обетки-цветови и масивните ѓердани од линијата Florela, брошевите -булки, ѓерданите и обетките: „Наши луѓе“, ѓерданите-градови и пеперутка-вратоврските, оваа сезона создаде три букети (подлинии): со геометриски форми „Де-Зен“, со флорални шари „Лила“ и со дијамантски цртеж-Breakfast to Tiffany. Секоја од линиите е со единечни и дводелни парчиња и се во чекор со актуелниот тренд за големи (масивни) обетки. Може да се носат во пар, по една или комбинирани различни модели.
Сè што создава е водено од едно внатрешно чувство на радост -Александра Иванова
-За мене правењето накит е алатка, не е цел. Алатка да се живее во состојба на креативност, инспирирано, во поврзаност со самиот себе и постојаниот проток на идеи. Тоа е самоодржлив систем на кружење на креативната енергија од мотив до реализација и од реализација до нов мотив. Значи правиш оти си радосен и тоа те возбудува и кога ќе го направиш добиваш уште толку радост и возбуда, па правиш пак и пак и пак …просто мислам дека нема крај, ако си прикачен на таа бранова должина-вели Иванова. чии креацииможе да се нарачаат преу нејзината страница на Facebook-SofijaFiligranskaJewellery
Во последниот претпролетен и пролетен бран се изобразија две-три линии обетки, главно сите се направени по веќе познатата формула: цртеж,илустрација на медијапан со сликарска подлогарачно сечен.
Модели од првата линија за оваа пролет именувана „Де-Зен“
-Првите (Де-Зен) се дводелни висечки неаголни облици споени со алки, флексибилно за да танцуваат на увото во ритамот на вашиот живот, односно на тој кој ги носи. Флоралните илустрации се нанесени на бела позадина ,нивната завршница е епоксидна смола,а се прикачуваат со боцка.
Вторите (Лила) се флорални детали и шари на колоритна позадина во избрана тонска скала и мат лак завршница. Дводелни се исто така комбинирани по иста боја или двобојни, висечки споени со алки или фиксирани двата дела,се прикачуваат со боцка или висулка по желба.
Третите се комбинација на делови од вторите и дијамантски форми од една постара линија (Breakfast to Tiffany). Станува збор за боен овал или круг споен со дијамант стилизиран линеарно минималистички (со мат лак завршница),за мене доста ефектна комбинација.Се прикачуваат на боцка-вели Александра.
Втората колекција цветни обетки е наречена „Лила“, со пастелни дводелни модели
Третите се комбинација на делови од вторите и дијамантски форми од една постара линија (Breakfast to Tiffany)
Нема коментари