Пред 50 години, полни со идеи, амбиција и самодоверба, Робер и Јонас аф Јохник ги напуштија своите работни места за да создадат компанија за козметика. Овие квалитети сѐ уште се дел од она што Орифлеим претставува денес – една од најголемите светски компании за убавина. Тие знаеја дека она што Орифлеим го нуди е премногу добро за да не успее и силно веруваа дека секој заслужува успех – не само неколку привилегирани. Едноставно, Орифлеим им нуди можност на луѓето да ги исполнат своите соништа и да ги променат животите и на другите.
Двајцата браќа и ден-денес гледаат нови можности во секој предизвик. Тие признаваат дека една од причините за тоа е нивниот натпреварувачки дух. Исто така, тоа има огромна улога и во успехот на Орифлеим. „Секогаш се боревме за она во кое верувавме“, вели Роберт.
Орифлеим за кратко време стана магнет за оние кои сакаат да направат позитивни промени во својот живот и во животот на другите. Токму овие луѓе станаа симбол на успехот во Орифлеим. Орифлеим Консултантите веќе 50 години уживаат во успехот на својата работа. Колку поголем успех забележуваат, вклучувајќи ги новите лидерски титули, толку повеќе се чувствуваат како дел од топло и грижливо семејство.
Јонас и Роберт се горди што се сведоци на позитивните промени во животот на луѓето. „Она што нѐ прави најсреќни се животите на луѓето кои ги променивме. Тоа е прекрасно чувство“, вели Роберт. „Оваа бизнис можност им овозможи на многу млади луѓе да ги исполнат своите соништа – да им обезбедат добро образование на своите деца, да изградат успешен бизнис и да имаат поубав живот.“
Оваа година беше многу возбудлива за Орифлеим! Започнавме со прославата на нашиот 50-годишен јубилеј во Мајами, а тоа го заокруживме на многу специјален и уникатен начин. Орифлеим секоја година организира Златна конференција на различни дестинации за своите најуспешни соработници, а овојпат приреди вистински спектакл.
Два од најголемите бродови во светот – СИЛУЕТ и РЕФЛЕКШН беа домаќини на околу 6.000 луѓе, 8 денови, повеќе од 60 националности, 4 градови, 3 земји – за заедно да прослават 5 децении исполнети со страствена работа и успех! Ова е најголемата и најлуксузна конференција која некоја компанија за козметика ја има организирано досега!
Претставници на Орифлеим Македонија дел од големата прослава
Во текот на Крстарењето, тие не само што посетија прекрасни дестинации во Медитеранот, туку и поминаа возбудливи денови на море! Далеку од брегот, нивното време беше исполнето со инспиративни бизнис-состаноци, напредни предавања, спектакли, велнес-активности и многу забава. Тие исто така имаа и време да се опуштат покрај базенот, во фитнес-центар или на спа.
Двата крузера пловеа еден покрај друг и постојано беа надлетувани од 2 Орифлеим авиони кои правеа различни атракции за нашите соработници.
Агендата беше богата и интересна со пристигнување во три земји: Италија, Грција и Турција. Рим и Атина се познати по своето историско значење, врвната храна, првокласниот шопинг и инспиративните знаменитости. За разлика од нив, Миконос и Кушадаси нудат топли плажи, весела атмосфера и прекрасен, елегантен пејзаж. Нашите соработници си поминаа прекрасно истражувајќи ги овие неверојатни градови и создавајќи нови спомени. Тие се нашите амбасадори на позитивните промени и ние сме среќни што ја прославуваме оваа важна годишнина заедно со нив. Без нивната бескрајна страст и дух, ништо од ова немаше да биде можно.
Ова патување како од бајките започна со испловувањето од пристаништето во Италија. Учесниците имаа можност прво да се запознаат со магијата на Рим каде токму нивната прекрасна седумдневна авантура започна. Следуваа уште 2 пристигнувања на пристаништата во Грција и Турција.
Третиот ден следуваше посета во белиот рај на срцето на Киклада – прекрасниот остров Миконос. Орифлеим соработниците од целиот свет ги открија уличките на овој живописен остров, ги пробаа неверојатните грчки деликатеси, уживаа во новите пријателства и размена на своите работни искуства. Ова со сигурност беше ден што ќе се памети!
Потоа следуваше нешто незаборавно во Кушадаси. Како што бродот се приближуваше до пристаништето – така можеше да се види дека на најпознатиот рид во самото пристаниште е испишано името ОРИФЛЕИМ со огромни букви што се гледаат од далеку – нешто со кое мора да се пофалиме. Овде Орифлем со своите вработени остави посебен печат – во соработка со локалните власти, во селото Киразли Орифлеим засади 1.000 стебла маслинки со желба да остави позитивно влијание на природната средина и на идните генерации. Потоа следуваше запознавање на Ефес и Кушадаси, а многу од нас посакаа да се задржат овде и ден повеќе.
Зедништвото, духот и страста беа почувствувани и во Олимписката арена во Атина. Овде се одржа Орифлеим Бизнис-дефилето кое беше инспирирано од 5 децении ипсолнети со успех и каде беа претставени идните планови за патот до успехот.
За крај на ова уникатно и неповторливо крстарење Орифлеим организираше гала-вечер каде беа наградени најуспешните Лидери, каде присутните можеа да ги споделат своите впечатоци и каде отворивме ново поглавје – наредните 50 успешни години!
Нема коментари