Пижамата, тоа слатко удобно парче облека пред неколку сезони „избега“ од спалните соби во уличната мода и сè уште се „шета“ таму. Пижама-стилот актуелен е и пролетва и претставува есенција на практичноста – широки ракави и ногавици, мека свиленкаста ткаенина. Но, како да ги носите пижама комплетите, а да не изгледате како на улица да сте изгегле во вистинските пижами?! Храбро и самоуверено и со внесување малку хумор во модните додатоци. Ако носите комплет во стилот на пижама, без разлика дали е еднобоен или шарен, стилизирајте го со сандали со високи потпетици и со мала чанта. За екстра удобност, сандалите може да ги замените со патики, ниски мокасини или тренди влечки. Всушност, кога носите пижама комплет, сведете ги останатите парчиња на минимум. Овој тренд не трпи премногу детали. Пижама-стилот може да го носите и одделно, на пример горниот дел со фармерки или килот-панталони, долниот дел со едноставна блуза или тексас-кошула. Бирајте парчиња со свиленкаста или сатенска текстура, памучните навистина асоцираат само на пижами.
Нема коментари