Ако некогаш трендовите се пласираа на модните писти, црвените килими и на влијателните магазини, а потоа и преку блоговите и стилот од улиците на големите модни центри, сега сè почнува со социјалните мрежи….и тоа со една фотографија. Доволно е со една кратка објава на некоја влијателните девојки со илјадници модни следбеници на Instagram, Facebook или Pintrest за некој модел да стане хит. Ова модно врмежување и информирање е платформа која создава трендови, модни ѕвезди, и која истакнува на површина нови интересни модни брендови.
Меѓу новите модни откритија на Инстарам е етикетата Ganni, и нивните плетива и џемпери. Откако минатат зима трендсетерките во Копенхаген почнаа речиси синхронизирано да ги носат нивните розови џемпери, речиси сте инфлуенсерки за следната сезона си обезбедија модел од линијата пролет-лето 2017 и за претстојната есен-зима. Веќе споменатиот розов модел е со висок околувратник, тесни ракави и плетенки на средина.
Новиот актуелен џемпер е исто така со ретро плетка, но со повеќе отвори и со балонести ракави. Покрај розовата, доста се носени моделите и во други пастелни нијанси: светлосина, портокалова, жолта, корално црвена и бела. Инфлуенсерките ги носат со џинс, врз свилени фустани, со цвети здолништа или пак во комбинација со панталони со машки крој. Можеби нема да имате можност да го набавите овој модел, но сигурно во вашиот ормар се наоѓа по некој ретро џемпер во пастлена боја. Ова е добар сигнал дека е вреќе да го вратите во секојдневниот стајлинг. Ви претсавуваме повеќе идеи како да комбинирате ретро џемпер во боја оваа есен.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари