Супермоделката Иман докажува дека возраста е само бројка, а не и состојба на умот постирајќи повеќе мотивациони пораки на „Инстаграм“ на својот 60-ти роденден. Сомалијката Иман во саботата наполни 60 години, ама изгледа далеку помлада. А и се чувствува прекрасно. „Никогаш не сум се чувствувала поудобно во сопствената кожа како сега“, пишува Иман за грациозното стареење на „Инстаграм“ заедно со серија на фотографии и животни лекции подредени под #IMAN.
Иман на насловна и во фотосесија за италијански Vanity Fair за јули 2015
Легендарната Иман Абдулмаџид кариерата ја почна во 1975 година и многу брзо стигна до врвот. Таа година Сомалијката на студиските престој во Најроби доаѓа во Њујорк и за кратко време еден од првите ангажмани го добива токму во Vogue. За кратко време стана муза на повеќе дизајнери, како Ив Сен Лоран, Келвин Клајн и Дона Каран, а соработува со најпознатите модни фотографи, почнувајќи од Питер Берд кој тврди дека Иман е негово откритие, до Хелмут Њутон, Ричард Аведон, Ирвинг Пен. Во 1994 година ја лансира сопствената козметичка линија наменета за жени со темен тен, вклучена е во работата на повеќе организации за спас на децата во Африка, а повеќе од 20 години е во брак со подеднакво харизматичниот музичар Дејвид Боуви. 
Лани сними едиторијал со Ријана и Наоми Кембел за W
Со сопругот Дејвид Боуви (1994)
Во Кенија фотографирана од Питер Берд (1975)
Со сомалиската манекенка Варис Дири облечени во облека инспирирана од државата од која потекнуваат (1998)
1982
1980
Кампања за Дона Каран (1997)
Фотосесија со Боуви направена во Јужна Африка за Vogue
Нема коментари