Белгискиот моден креатор Мартин Марџела, „Невидливиот човек во модатата“, е предмет на ретроспективната изложба најавена дури за во март следната 2018 година, во парискиот моден музеј Palais Galliera. До изложбата има нешто повеќе од една година, но веќе се шират првите информации за поставката.
Креаторот што целиот работен живот успеа да остане анонимен, почесниот седми член на култната „Антверпска шестка“, важи за еден од најталентираните и најплодните авангардни креатори, автор кој успешно го координира уметничкото во модата. По дипломирањето на Кралската академија во Антверпен, Мартин во 1988 година ја основа куќата Maison Martin Margiela. Зад себе остави голем печат со својот концептуаелен пристап, и чувство за деконструкција и иновација.
Една од ретките фотографии на Мартин Марџела
Осум години откако повеќе не креира за својата модна куќа, Мартин Марџела сè уште е најмистериозниот и најинтригантнот дизајнер, но неговите познати концептуални техники продолжуваат да живеат преку работата на тимот во брендот што сега го носи името Maison Margiela. Таму сега креативен директор е Џон Галијано, а за плетивата е задолжен македонскиот дизајнер Ристо Бимбилоски.
Засега е познато дека куратор на ретроспективната изложба на Мартин Марџела во Palais Galliera е Оливие Сајар, директорот на музејот кој ќе направи избор на колекциите на дизајнерот, делови од архивата која служела како инспирација во работата на Марџела, и извадоци од ретки интервјуа на дизајнерот. Се шпекулира дека и самиот Мартин Марџела работи на подготовката заедно со кураторот Сајар, кој пак е голем обожавател на работата на белгискиот креатор.
Колекција пролет-лето 2009
За оние нетрпеливите што не можат да ја дочекаат париската изложба, од 31 март до 27 август 2017 година ќе биде отворена поставката „Марџела: Годините во Hermès“, во музејот MoMu, во Антверпен, Белгија. Оваа поставка се однесува на креациите што Марџела ги содаваше додека од 1997 до 2003 година за париската модна куќа Hermès.
Интервју од март 1983 година за белгиски весник
Нема коментари