Талентираната Росица Мршиќ ќе го отвори овосезонското издание на Моден викенд-Скопје со нова колекција за пролет-лето 2016, на 1 парил (петок), во 20 часот, во салонот на Порше Македонија. Дизајнерката скоро редовно претставува колекции на модната манифестација кои брзо наоѓаат пат до домашните вљубеници на модата, за оваа сезона, десетта со FWSK, ден пред ревијата откри неколку детали за инспирацијата и изгледот на новите креации. На фотографијата од работниот процес забележуваме скици и материјали кои ќе бидат дел од новата колекција.
Новата колекција е именувана… Не ги именувам колекциите, во фаза на изработка на колекција имам само работен наслов.
Инспирација за колекцијата ми беше… Испирирана е од женските ликови од портретите на Амедео Модилјани.
Застапени се… Tриесеттина парчиња со меки и смирени линии испреплетени во игра за да дадат опуштена и заоблена заводлива женска фигура.
Оваа сезона се одлучив за… Софистицираната црна и млечната бела боја се употребени самостојно и комбинирани, но вклучена е и ултрамаринска и металик сина боја. Користени се високо квалитетни ткаенини за да се постигнат структурирани, ултра женствени модерни силуети.
Креациите се наменети за… Современи жени кои сакаат чист, но интригантен и софистициран изглед.
По Модниот викенд-Скопје моделите ќе може да се набават… Во студиото и на онлајн продавницата на rosica-mrsik.com/shop/, во бутикот Виа во Скопје, и на онлајн продавница Bastet Noir во Македонија, a во САД ќе бидат достапни на платформата NineteenthAmandment и ланецот на стоковни куќи Macy’s.
Нема коментари