Можеби сината сенка за очи ве потсетува на диско-дива од 80-тите и на некои неуспешни стилови од 90-тите години, уште повеќе на фолк-невкусот, таа се враќа во модата на сосема нов и модерен начин. Очи обоени во интензивно сина боја предложија дизајнерите на модните писти во минатите сезони, а сината сенка ја имаше и на последните ревии на Ана Суи и на Versus прикажани деновиве на модните недели во Њујорк и Лондон. Кај Ана Суи познатата шминкерка Пет Мекграт нанесе интензивно сина боја на очите на манекенките и шминката ја доврши со бургунди-црвен кармин. Според објавите на Инстаграм профилот на Мекграт, шминкерката најверојатно наскоро ќе лансира сенка за очи во оваа боја.
Целта на овој тренд е да се користи сенка за очи со јак пигмент, и која може да има и светки во својата формула. Нијанси на сино видовме и на ревијата на Versus, каде менекенките беа нашминкани со дебела правоаголна линија на капакот од окото, а Марк Џејкобс после прикажувањето на последната колекција, лансира и мејкап сет за пролет-лето 2017 во кој акцент е ставен на оваа боја.
Од последната ревија на Versus
Бела Хадид и Кендал Џенер пред неколку дена на ревијата на Ана Суи во Њујорк
Нов начин како да носите сина сенка
Нема коментари