Париз за време на модната недела е непресушен извор на стилско шаренило кое често на градот, покрај титулата на светски главен град на модата, му го носи и епитетот на метропола со најдобра улична мода. Во пресрет на одржувањето на модните ревии на големите модни куќи, улиците нудат меланж на иконски француски шик со еклектика што ја носат азиските, италијанските, скандинавските, американските уредници, блогери и посетители. Париз тогаш е дополнителна мешавина на авангарда, елеганција, класика, ексцентричност, и секако инспирација за следната ваша комбинација. Минатата недела градотв беше во знакот на смели комбинации, инспиративни споеви со дизајнерски парчиња и по некоја „политичка“ порака како Let’s Make Fashion Great Again.
Доминираа интензивни бои како тиркизна, црвена и циклама виолетова, мантили со необичен крој, шарени палта, цветни дезени, карирани сакоа, корсет-појаси, искинати фармерки, црвените монтки на „Баленсијага“, волуменозни бобмер-јакни, торбата Sculpture на Off White, апликации и принтови, чантите на Chloe, Loewe, Louis Vitton и Prada.
Нема коментари