Зимските колекции на македонските дизајнери прикажани на самостојни презентации, преку фотосесии и на последното издание на Моден викенд понудија повеќе различни стилови на вечерен и свечен изглед кои можете да ги носите на претстојните новогодишни забави. Доминираат црната боја, долги фустани, тантела, светкави материјали, покласични фустани, но и поавангардни креации.
Јована Филиповиќ
Во последната колекција на Јована Филиповиќ има долги фустани со впечатливи ракави, но и комбинации од шорц и светкав топ, сако-фустани, панталони со свечен горен дел и модели со принт на облакодери. Во својата претапорте колекција Тања Кокев претставо неколку вечерни креации кои може да ги облечете на новогодишна забава.
Андреј Ѓоргиовски Папаз
Авангарден, смели и помалку бунтовнички изгледи понудија Андреј Ѓоргиевски Папаз и Викторија Арсовска, младиот Мите Занов во колекцијата „Миг“ прикажа екстравагантни модели, а сексапилни фустани има кај Марија Трајанова Марсин. Кај Shaleva Couture на Душица Петит видовме црни креации во духот на француската елеганција, а елеганција има и во новата колекција Castle оn the Hill на Олгица Ѓоргиева.
Тања Кокев
Силвија Михајловска од „Алшар“ креира неколку фустани од сомот со асиметрични делови и ресести украси, инспирирана од приказната за Калеш Анѓа, а инспирација од домашниот фолкор најде Антонија Ристовска и во колекцијата „Саја“ прикажа неколку елегантни и полежерни креации кои може да се носат на новогодишна коктел забава.
Алшар
Сари Џи продолжува да креира во бохо расположение, Ивана Кнез во колекцијата за својот бренд „Драма“ претстави неколку модели од светкави ткаенини, во понудата на Atelier Kocareva има гламурозни фустани во арт деко стил, а неколку свечени комбинации подготви и брендот „Румор“.
Мите Занов
Shaleva Couture
Викторија Арсовска
Олгица Ѓоргиева
Марсин
Драма
Atelier Kocareva
Румор
Сари Џи
Антонија Ристовска
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари