Венчаници од Lidiya Georgieva&Zili, Elisabeth design studio, Atelier Maria Antoinette, ателје „Ал Апарел“ , Emili exclusive design и модната куќа „Менакон“ од Косово ќе може да се погледнат на второто изданиена The Bridal Fashion Night кој ќе се одржи на 29 јануари во скопскиот хотел „Александар палас“ во 20 часот во организација на Моден викенд Скопје.
Настанот ќе се состои од модни дефилеа во најновите колекции како и уникатни вечерни фустани. Креациите ќе ги носат манекенките од модната агенција „Подиум“, официјален мејк ап партнер на настанот е „Gosh“ а за фризурите ќе се погрижи Professional Trend up во соработка со фризерските студиа „Кул Кат“ и „Бубе Студио Ин“ . Амбиентот ќе го декорираат „Каталеја“ и „Casamento“.
Комплетно уживање и удобно возење на идните сопружници и овој пат ќе им овозможи Peugeot кое е официјално возило на ноќта посветена на венчавката како свечен чин. Nescafe Dolce Gusto подготви изненадување за идните невести кои ќе ги следат ревиите до самиот крај.
Оние кои сакаат да ги погледнат ревиите ќе треба да се пријават на официјалната „Фејсбук“ страница на Fashion Weekend Skopje, со име презиме, возраст и период на одржување на венчавката.
Нема коментари