По влечките со крзно, крокс-моделите со циркони, моторџиските чизми со бисери и ugg чизми над колена, инвазијата на грди обувки во секојдневната мода продолжува со т.н. dad sneakers. „Патиките на тато“, налик на машки ранерки во поголем број, со нагласен ѓон, станаа тренд најпрво меѓу влијателните блогерки. Тие најчесто го носат препознатливиот модел на „Баленсијага“, но и верзии на истиот од бројни хајстрит брендови, кои направија свои верзии на овие грди патики.
Многу брзо модните жртви се фатија за мамката дека тоа е модел во кој изгледате кул, и за кусо време на сите поважни модни недели тие доминираат во уличната мода. Речиси нема популарна личност од уличната мода што се нема појавено во комбинација со масивни патики. Тие се своевидни продолжение на трендот со вметнување на патиките во секојдневниот и елегантен изглед. Но сега, наместо модел кој нуди удобност, стилско дополнување и пристојо изглед на ногата, сега сè е во функција на трендот.
Покрај фотографиите со трендовски комбинации на инфлуенсерите со овие патики,се среќаваат и текстови и коментари по модните сајтови каде што уредниците икритичарите признаваат дека „ толку се неатрактивни и грди што не можат да им одолеат на овие модели“. Бизарано, но вистинито, ако некогаш во потрага по удобни обувки често се правеше компромос и се избираа не толку атрактивни модели, сега се оди на грди чевли за да се постигне впечатлив изглед.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари