Како инфлуенсерките ги носат трендовските бели чизми оваа есен

Покрај црвените обувки, чорапа-дизајнот, над колена, парчињата со шпиц врв или со коцкаста потпетица, главен тренд во изборот на чизмите оваа есен-зима меѓу модните инфлуенсерки се моделите во бела боја. За многумина тоа е можеби една од најсложените бои за комбинирање во студените денови. Таа е послабо застапена во изборот на облека и на јакни и чевли/чизми пред сè зашто е лесно подложна на валкање и тешка е за одржување, посебно кога станува збор за обувки.

Белата боја, како една од базичните потешко се комбинира со темните тонови што обично се носат в зима: црна, темносина, кафена, темновиолетова, бордо или сива. Но, влијателните модни блогерки изминатава сезона на ревии во големите модни центри покажаа дека белите чизми не се толку сложени за комбинирање, напротив тие ја искануваат индивидуалната модна креативност. Познатите онлајн модни магазини тврдат дека белите обувки во моментов се симбол за моден статус – или сте во чекор со трендовите или не.

Покрај комбинациите во целосно бела, сребрена или пастелна варијанта, која е најблиска по тоналитет и најлесна за составување со овој модел, видовме бројни миксови со целосно црн или сив атуфит, како и со црвени и пурпурни парчиња. Одлично одговара со џинс, со цветен дезен, како и со карирани модели. Белата боја не е повеќе само симбол на елеганција, префинетост и прочистен стајлинг, таа сега е дел од комплексни повеќеслојни комбинации и дел од шарени аутфити. Најзастапени се моделите со кратка потпетица (коцкаста или тенка) до глужд, а се носат и чорапа-моделите, набрани и високи над колена. Ви претставуваме неколку интересни комбинации кои може да послеужат како пример како би ги комбинирале белите чизми оваа есен.

*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.