Оливија Палермо, Кјара Ферањи, Леандра Медин, Пернил Тајсбек, Викторија Бекам, Сара Џесика Паркер и Роузи Хантингтон-Вајтли се само дел од модните инфлуенсерки кои изминатава година им дадоа елегантна и трендовска конотација на панталоните инспирирани од спортската опрема. Моделоите со лента на страните, кои наликуваат на препознатливите тренерки на „Адидас“, со пруги на работ, добија интерпретации во популарните хајстрит брендови. 
Тие се носат неколку сезони, првично, со свилена лента во исто тон со панталоните-верзија инспирирана од традиционалниот машки воен костум, а сега и со нагласено спортска варијанта со линија во контрасен тон. Најчесто станува збор за црни, сиви, темносини панталони, со бела, жолта или црвена линија, а некои се со по неколку ленти во разнични бои. Некои бендови понудија и модел со актуелната карирана или гингам шара.
Моделите се во форма на класична канцелариска панталона, со традиционален машки раб, или пак со покуси ногавици и висока половина. Некои се со крут штоф, а има и со лелави и меки материјали. Се носат со патики и ниски чевли, но и со чизми со високи потпетици. Во горниот дел најчесто се комбинираат со кошула со поголем волумен, масивен џемпер или плетена ролка, како и со палто или со тренерка.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари