Облекувањето во слоеви – клуч за тренди есенски стил

Во студените месеци сакаме облеката да биде топла и удобна, но во исто време комбинацијата да боде стилска, трендовска и интересна. Есенските и зимските денови кај нас знаат да бидат доста студени и тогаш практикуваме да носиме топли јакни, палта, чизми, често чувствувајќи се наоблечено и комплетно досадно. Но со стилско редење на облека во неколку слоеви, нема да ја пожртвувате удобноста и топлината, а ќе постигнете впечатлива и интересна комбинација. Слоевитото облекување е модна константа, не е тешко да се примени, потребна е малку модна вештина и многу набљудување на фотографите на ѕвездите на уличната мода.

Како да научите да редите слоеви облека? Прво, запамтете дека ролката е вашиот најдобар пријател. Заштитува од ладното време и може да биде првиот, најдолниот слој. Можете да ја носите под фустан кошула, сако, џемпер, всушност под секаква облека. Исто така ролката визуелно изгледа многу добро.

Потоа, ролката можете да ја замените со обична бела кошула, која ќе ѕирка под горните слоеви на облека. Во ред е како комбинирате неколку кошули кои се со различна боја и текстура – на пример дебела сомотска или кожена кошула врз потенка бела кошула. Ова ќе додаде волумен и текстура на целиот изглед.

Не плашете се да комбинирате нијанси на иста боја. Спротивно на вообичаената заблуда, различните тоналитети на една боја комбинацијата ја прават пожива и понтересна. Тренди се комбинациите со бежови, кафени и земјени тонови.

Анализирајте ги фотографиите на трендстерките и од уличната мода и забележувајте како тие комбинираат слоевити споеви – ролка, кошула, сако и мантил, или кошула, џемпер, тексасна јакна и капут, или блуза, сако и мантил, или блуза, комбинезон и капут…

*Не е дозволено пренесување на содржината на www.stylist.mk без одобрени на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.