По вештачките крзна и бундите во боја, оваа сезона во колекциите на популарните брендови и во уличната мода доминираат т.н. „teddy bear“ капутите. Станува збор за модели кои наликуваат на кафените кадифени мечиња. Иако навидум се како костум за маскенбал, сепак имаат сериозна модна преобразба во трендовските стајлинзи.
Овие ретро модели се меки, топли и удобни-идеални за студените есенски и симки денови. Блогерките најмногу ги комбинираат со цветни фустани, со свилени кошули со панделки и џинс. Може да се носат во урбана дневна комбинација, со блуза со лого апликација, џемпер во боја или машка кошула -во горниот дел,како и фармерки, кожени хеланки, или широки панталони- во долниот дел. Одлични се за ноќните и свечени комбинации со актуелните кимоно- наметки, кадифени модели на преклоп, лелеави фустани со флорален принт, плисе здолништа и веткави туники или фустани.
Покрај кафената застапени се и светлорозовата, нежно сината, белата и креамататат варијанта, апосмелите носат и „teddy bear“ бунда во впечатлива жолта, црвена, портокалова или свиолетова боја. Димензиите се движат од краток модел до половина, па се до долги, кои го покриваат целото торзо. Тие се по правило воздушести и даваат волумен на целокупниот изглед.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари