Иако важат за провокативни парчиња, соодветни за вечерни и свечени настани, транспарентните блузи најдоа место и во секојдневната мода. Станува збор за модели од прозирни материјали, од тантела или со рачен вез, со цветови, листови, со точки, геометриски фигури и со принтани апликации. Блузите или кошулите се во доминантна црна боја, а има и во трендовски зелени и пудра розови нијанси, како и во бела, сребрена и темносина боја. Модните блогерки во кежуал варијантите најчесто ги носат со фармерки, со карирани палта или панталони, молив здолниште со впечатлива боја. За посвечени прилики се комбинираат со панталони до кадифе или со металик здолниште. Може да се носи под слип свилен или кадифен фустан. најчесто се оди со пшохрабра комбинација, без корсет, боди или маичка под блузата, само со долна облека, а смелиот моден чекор се ублажува со елек,бунда или палто врз блузката. Застапени се во колекциите на омилените high street брендови како „Манго“, „Зара“, „Бершка“, „Страдивариус“ и други.
Во новата колекција на „Манго“ застапени се проѕирни модели од тантела
„Зара„ има широка понуда од транспарентни кошули и блузи во есенската колекција
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари