Пастелно зелената, цигла и корално црвената се трите бои кои ова лето се најзастапени во колекциите на популарните брендови за секојдневна мода. Доколу досега немате пробано некој од овие тонови, сезонските попусти и распродажби се добра можност да носите некое од најактуелните парчиња летово. Ова е година на колоритните креации и наоѓање на нови тоналитети кои ќе бидат носиви за повеќето. Бришењето на границите меѓу т.н. машки или женски бои, или нијанси за деца и за возрасни почна со масовното прифаќање на пудресто-розовата боја. Оваа пастелна нијанса, одобрена од миленијалците, е застапена не само кај романтичите и младешки парчиња, туку и кај свечените и поофицијални модели.
Приказната продолжи со пудресто сина, за ова лето да посведочиме на актуелизирање на пастелно зелената боја. Оваа нијанса доминира во линиите на омилените брендови, како „Зара“, „Манго“, „Бершка“. Во оваа боја се некои од најносените модели меѓу трендсетерките -кимоното од „Зара“ и фустанот на преклоп од Realisation Par.
Овој австралиски бренд ги погоди и другите две бои кои се најносени. Својот најголем летен хит-фустанот со точки на преклоп и со карнери го лансира во корално црвена и во цигла нијанса. Овие три тона се лесни за комбинирање, а во нив ќе изгледате впечатливо, самоуверено и модерно. Овие два тона ќе се носат и претстојната есен. Брендовите во своите кампањи веќе ги вклучија овие бои.
Нема коментари