Ситно-кариранaта памучна ткаенина, позната како гингам (gingham) сезонава се врати на голема врата меѓу модните трендсетери. Деновиве уредничката на американски Vogue се појави на „Вимблдон“ со син фустан од Altuzarra со гингам-шара, а неколку недели претходно ја видовме и првата дама на САД, Мишел Обама со црно-бел модел од J. Crew. Кога две влијателни дами носат ист дезен, не е случајност, туку очигледно станува збор за нов тренд.
Оваа ретро шара, која веројатно повеќето ги потсетува на чаршаф за пикник, или на модата од 50-тите, е застапена и во новите колекции на Викторија Бекам, Вес Гордон и на J.Crew. Во уличната мода веќе може да се забележат интересни комбинации со ситни коцки. Доминираат црно-белите или сино-белите комбинации, но има и варијанти со жолта, розова и црвена. Трендсетерките ги носат со еднобојно- бело или црно парче, а посмелите прават спој со цветен дезен, со пруги или со модел со крупен каро-принт.
Ана Винтур во син фустан со гингам-шара од Altuzarra на „Вимблдон“
Нема коментари