Адвокатката и активистка за човекови права Амал Клуни е фототрафирана како излегува од својот њујоршки дом и се упатува на својата моментална работна обврска како професорка по право на универзитетот Колумбија. За разлика од сопругот, актерот Џорџ Клуни, Амал има строг работен распоред и дрескод што треба да го следи. Но, таа успева да го вметне деловниот дрескод во својот изглед, но и истовремено да изгледа тренди и со стил. Оваа комбинација е пример за тоа – класичен мантил од Max Mara со минималистички ноти, модел што секоја жена треба да го има во гардероберот, но во спој со трендовски елементи како каро-панталони од Александар Меквин. Неколку базични парчиња комбинирани со едно впечаливо или трендовско парче треба да биде добитната модна комбинација за секоја деловна жена.
Еве уште неколку деловни комбинации на Амал снимени деновиве во Њујорк кои ја илустрираат нејзината умешност да комбинира класични модели со трендовски чевли или парче облека.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари