Чантите со нападен монограм долго време претставуваа омразен дел од модата, а впечатливото лого се смета(ше) за симбол на кич и новостекнато богатство, едно од најголемите fashion faux pas кај модно освестените трендсетери. Но, одденаш станаа хит, благодарение на „Гучи“ и новиот креативен директор Алесандро Микеле, кој во последните две сезони претстави нови верзии на моделот чанта Dionysus – со основа на која е отпечатено логото на модната куќа, а украсени со вез, штрас, принт или апликации за да создадат мотив на цвеќе, змија или пчела. Вака дизајнирани, новите Gucci Dionysus чанти станаа омилен додаток на водечките модни ѕвезди и холивудските актерки, па чантата ја прошетаа Сиена Милер, Кјара Ферањи, Бијонсе, Вероника Хајлбрунер…
За да го задоволи вкусот на поширока публика Микеле креира и посмирени варијанти во една боја или без апликациии, а има и верзии во кои се задржува формата на моделот на чанта, но во цветен дезен и без видливо лого. Дизајнерот Микеле уште во почетокот на кариерата се фокусира на креирање на модни додатоци, еден од првите ангажмани му беше главен дизајнер на модни додатоци во „Фенди“, па не нè изненадува што сега обрнува големо внимание на изгледот на чантите, обувките и останатите детали. Пред извесно време пишувавме и за моделот на сандали од „Гучи“, кој исто така станаа фаворит на трендсетерките.
Кјара Ферањи
Од рекламна кампања на „Гучи“
Бијонсе, Роузи Хантингтон-Вајтли и Сиена Милер
Џија Копола и Карен Елсон во ист модел како гостинки на ревија на “Гучи“ во Њујорк
Врз основата со лого на брендот може да има разни мотиви, везови, инсерти од змиска кожа…
Во комбинација со вел костим, капут во интензивна боја и тренди патики
Посмирен и верзии на чантата Dionysus
Вероника Хајлбрунер
Чантата е хит на уличната мода
Нема коментари