По успешните презентации во Србија и во Црна Гора изминатите сезони, македонската креаторка Олгица Ѓоргиева се враќа на дестинацијата каде што ги направи првите модни промоции- Моден викенд Скопје. Со нејзина ревија в недела (1 април) во 21 часот во Националната и универзитетска библиотека „Св.Климент Охридски“- Скопје ќе биде заокружено 17-тото издание на модната манифестација. Инспирација за колекцијата наречена Destination е книгата „Мемоарите на една гејша” од Артур Голден.
- Изминативе две сезони, моите колекции ги презентирав во Белград и Подгорица, па по мала пауза, на мое големо задовоство повторно сум на македонската модна сцена. Во Универзитетската библиотека колекцијата ќе ја преставам се една точка со кореографија, која ќе биде надополнување на целиот настан, а музиката најверојатно ќе биде од филмската верзија на „Мемоарите на една гејша”. Во оваа колекција ќе може да се види една модерна гејша. Додека ги создавав моделите размислував тоа да биде модерно, а приказната да ја доловам со деталите-вели таа.
По успешните презентации во Србија и во Црна Гора Олгица Ѓоргиева се враќа во Македонија
Моделите се со чиста линија, минималистички израз, на моменти материјалите с облагородени со детали или принтови. Станува збор за многу попрактични и покомерцијални парчиња. Доминантна е белата боја во цела колекција, а од материјалите се застапени вискоза, памук, жоржет и верзии на сатени. Парчињата се лесни за комбинација, така да во зависност од стајлингот што ќе се направи, би можеле да се носат во повеќе пригоди.
Инспирација за колекцијата наречена Destination е книгата „Мемоарите на една гејша” од Артур Голден
Минатата гoдина учествуваше на региналниот културен настан „Музика и мода“, што се одржа во српската и во црногорската престолнина, на кои Олгица беше единствен моден преставник од Македонија.
-После успешните ревии таму, остана простор за интерес и соработка кај организаторите на настанот Музика и мода, кој ќе го промовираат низ повеќе балкански земји. И оваа сезона повторно добив покана да учествувам, а овој пат настанот ќе се одржи во Скопје.
Во ноември минатата година Олгица ја престави колекцијата Castle on the hillво Црна Гора
Лансира и линија на свечени фустани за деца за кои веќе пишувавме на Stylist.mk.
-Оваа приказна полека се развива, луѓето полека дознаваат за приказната на овој концепт и се заинтересирани за ова што го работам. Постојано има нови парчиња и секако ќе има и нова колекција. Во моментов фокусирана сум на работата во моето студио, на моите клиенти, следува сезона на свечености и настани. Од септември сигурно ќе започнам во еден дел од мојата работа со нов концепт, кој допрва го планирам-вели таа.
Лани лансира и линија на свечени фустани за деца
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари