Сопругата на британскиот принц Хари, американската актерка и активистка Меган Маркл, сега веќе војвотка од Сасекс, блесна во елегантна, софистицирана и минималистична венчаница од Клер Вејт Келер за „Живанши“ на кралската свадба што во саботата се одржа во замокот Виндзор. Меган за вечерната забава се пресоблече во бел фустан со околувратник, креација на Стела Макартни.
Меган Маркл доби пофалби за својот моден избор на венчаница. Таа ја избра британската дизајнерка Клер Вејт Келер, првата жена креативен директор на париската модна куќа „Живанши“, а која што претходно работела за брендовите „Клое“ и „Прингл“. Вејт Келер успеа да ја преведе класичната елеганција на основачот Ибер де Живанши, но што е уште поважно да го нагласи модниот стил на Меган, да не скршне многу од кралските протоколи, и да прикаже нова кралска елеганција ослободена од тантела, циркони, кринолина-силуета, премногу традиционален израз. Самата Меган нè воведува во нова модерна ера во кралското семејство со многу чекори, меѓудругото и со својот моден стил и тоа се отслика и во нејзината венчаница.
Британската дизајнерка Клер Вејт Келер, креативна директорка на „Живанши“, зборува како ја креирала венчаницата на Меган Маркл
Клер Вејт Келер опишува дека планирањето на венчаницата изгледало како некоја тајна операција, и дека ниту нејзиниот сопругот не знаел. Клер вели дека долго време се работело за тајна меѓу неа и Меган. Процесот на креирање почнал во почетокот на јануари кога Меган ја избрала бидејќи била импресионирана од елегантната естетика и беспрекорното кроење на дизајнерката. Се среќавале тајно во домот на дизајнерката во Челси, Лондон, подоцна во процесот се вклучил многу мал тим од „Живанши“ и заедно работеле да создадат фустан кој ќе биде безвременски. Секако целата операција била тајна, Меган скриена под безболско капче и во лежерна облека доаѓала тајно во домот на Клер, а Клер открива дека сопругот и семејството за целата работа дознале само неколку дена пред кралската свадба.
Скицата на Вејт Келер за венчаницата на војвотката до Сасекс
Венчалниот фустан на Меган Маркл чини околу 200.000 фунти, што покрива дизајн, изработка, проби, финален фитинг, а најголема сума била одвоена за материјалот – посебен вид на свила која е ткаена специјално за креацијата. Крајниот резултат е чисто бел свилен фустан со благ отвор околу рамењата, три-четврт ракави, со чисти минимистички линии, и долг шлеп во задниот дел. За драматичност допринесува велот од свилен тул на кој се извезени цветови карактеристични за 53-те земји членки на британскиот комонвелт, ама подоцна е откриено дека на велот има и цвет од Калифорнија, од каде што потекнува Меган. Дијадемата што Меган ја носеше е позајмена од кралицата Елизабета, и е прекрасно филигранско парче со дијаманти, кое повеќе има облик на обрач за глава отколку на класична кралска круна.
Клер Вејт Келер го поднаместува велот на војвотката на скалте пред црквата во Виндзор
-Беше неверојатно да се биде дел овој историски момент и, всушност, да ја имам можноста да работам со неа – вели Вејт Келер која се појавува на скалите и го поправа велот на Маркл во моментот кога таа влегува во црквата „Св. Џорџ“ во Виндзор. Таа е трогната што Меган била толку многу среќна во нејзиниот дизајн, а во еден момент после венчавката и самиот Хари ѝ се заблагодарил за прекрасниот дизајн.
Меган во креација на Стела Макартни
Возбудена поради својот дизајн беше и Стела Макартни која го креира фустанот што Меган го облече за вечерната забава. Таа е втората британска дизјанерка која што се погрижи за венчалниот излед на Меган, односно војвотката од Сасекс.
-Горда сум што бев избрана од војвотката да направам вечерна тоалета и да го претставам британскиот дизајн. Ова еден од најцентите моменти во мојата кариера и толку су горда на целиот тим овој неверојатен сончев, кралски ден – изјави Макартни и ја отрки ии скицата од дизајнот.
Дизајнерката Стела ја отрки и скицата од дизајнот
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари