Помеѓу многуте палачинки, торти и други слатки задоволства исфилувани со ретро-филтери на социјалните мрежи, „Фејсбук“, „Пинтерест“ или „Инстаграм“ изминатава година најсподелувани се фотографиите со макаронс-колачиите. Овие ситни француски колачи пред сè се интересни поради интензивните бои. Иако можеби наликуваат на пластични или гумени играчки , тие се многу вкуснии лесно се топат во устата. Колку што има бои, толку и вкусови од истите. Може да се најдат во широк спектар на вкусови како малина, лимон, портокал, чоколадо, лешник, до нови вкусови како киви, капина, какао…
Аналогно на тоа е и палетата на бои , може да се сретнат во розова, жолта, портокалова, сина зелена и виолетова, но и во покласични нијанси како крем, кафена и бела. Се користат различни видови на фил, од нутела, чоколадо, бел и овошен крем, лешник и слично. Филот е меѓу две округли парчиња, составени како мини сендвичи, а потсетуваат на бакнеж.
Популарни се меѓу светските блогерите, а кај нас допрва се популаризираат. Може да се набават во неколку слаткари во Скопје, но може да пробате и сами да ги направете дома.
За тесто
100 гр. белки
80 гр. мелени бадеми
30 гр. мелени лешници
160 гр. шеќер во прав
60 гр. ситен шеќер
Ситно сомелете ги бадемите и лешниците и просејте ги неколку пати, да се добие смеса налик на брашно или прав. Белките треба да се отстоени на собна температура. Добро измешајте ги или блендирајте го брашното од бадеми, лешниците и шеќерот во прав. Во еден сад ставете ги белките и почнете да ги матите со миксер. Кога ќе се разматат во мека пена додавајте го ситниот шеќер и матете додека не добиете цврст, сјајна пена. Додајте ја смесата од бадеми, лешници и шеќер во прав. Помешајте ја смесата, но внимателно да не се разлева содржината. Доколку сајате сместа да биде со одреден вкус или боја додадете го сирупот.
Во шприц или кесичка за шлаг ставете ја целата смеса за тесто на два плеха и хартија за печење истиснувајте од смесата на кругови од 2,5 или 3 центиметри. Оставете да се сушат половина или еден час на собна температура. Потоа печете ги 12-15 минути на температурата од 150 Ц.
Откако целосно ќе се оладат две бисквити макаронповрзете ги со малку крем, нутела или друг слатка смеса и ставете ги во херметички затворен сад во фрижидер. Извадете ги на собна температура половина час пред сервирањето.
Нема коментари