Полукружната чанта од бамбус од брендот за урбани и уникатни модни парчиња, Cult Gaia, се чини е сеприсутна на модните фотографии на Instagram и на Pinterest ова лето. Речиси секоја трендсетерка поседува примерок од моделот наречен Gaias Ark. Станува збор за светлокафена сламена транспарентна торба за на рака, со ретро изглед, налик на корпа, или јапонска чанта за на пазар.
Со враќање на модата од 90-тите години, кога се носеа чанти од ваков материјал, минатото лето на модната сцена пак се појавија бамбусовите и сламените торби. Но ова лето се чини се најбарани, и најносени, не само на плажа и за време на одморите, туку и во урбани аутфити. Всушност, оваа чанта и не се врзува само за топлите периоди, веќе видовме многу успешни пролетни комбинации со Gaias Ark, а дел од австралиските блогерки го носат и во позимска комбинација.
Покрај класичната светлокафена нијанса застапени се и бели, црни, темнокафени и темноцрвени модели. Не успеаа да им одолеат ниту холивудските трендсетерки. Џесика Алба неколку пати приватно беше забележаната со прмерок од оваа торба, а Ема Робертс дури се појави со црн модел од истата на јавен настан. Блогерките најчесто ги комбинираат со трендовски модни парчиња, како фустан и кошула со карнери и голи рамена, џинс шорцеви, цветни фустани, бели кошули и друго. Некои ги носат и со поелегантен официјален стајлинг.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари